جروب انا وابن عمي بنساعد الغريب :
جروب انا وابن عمى بنساعد الغريب وهو جروب تابع لجمعية رسالة والذى حقق اقبال الكثير من المصريون ، حيث وصل عدد المشتركين فى الجروب ما يقارب ستة مليون عضو. ومن امثلة المساعدات داخل الجروب نشر احد المشاركين فى الجروب انة طالب جامعى ومحتاج لبس يروح بية الجامعة ، شاب مصري بعديها بيومين بعتلة وقالو جهزتلك طقم جديد هدية من اخوك ، ونشر احد المشاركين فى الجروب انة دكتور صيدلى واى حد محتاج علاج ناقص يكلمة وغيرهم كمان من المصريين الجدعان اللى هتلاقيهم فى جروب انا وابن عمى بنساعد الغريب.
رسالة الجروب :
كل المصريين يساعدوا بعض بدون مقابل
رؤية جروب انا وابن عمي بنساعد الغريب :
لما كلنا نساعد بعض لن يكون بينا محتاج ، ليس هدف الجروب خدمة الفقير فقط ولكن الهدف خدمة اى حد محتاج اى مساعدة اياً كانت.
قواعد جروب انا وابن عمي بنساعد الغريب :
- ان يكون صاحب البوست هو المستفيد نفسه او شخص على تواصل به.
- استقبال الطلبات عن طريق ارسال بوست للجروب وليس عن طريق الرسائل الخاصة "الأنبوكس" أو فى الكومنتات.
- اى بوستات مخالفة لهدف الجروب او للأخلاقيات العام لن يتم نشرها.
- اى كومنتات لا تليق بأخلاقيات الجروب او لا علاقة لها بمحتوى البوست الاصلي سيتم حذفها.
- فى حالة وجود مضايقات على الخاص برجاء ابلاغ مسؤلين الجروب ليتم حظر الشخص فوراً.
قواعد المساعدات المالية فى جروب انا وابن عمي بنساعد الغريب :
- غير مسموح بطلبات كاش على الجروب.
- اي طلب مساعدة مالية او عينية او طبية ذات قيمة مالية سيتم دراسة مدى استحقاق مقدم الطلب قبل النشر على الجروب ، وفي حالة عدم الاستحاق او عدم صدق البيانات المقدمة في البوست لن يتم النشر ، اما فى حالة الاستحقاق وصدق البيانات لن يتم تسليم كاش للمستحق و انما يتم الدفع للجهة المطلوب دفع المال اليها كالمستشفى او شركة الكهرباء
- اى طلبات مساعدة بقيمة مالية باهظة لن نتمكن من نشرها حتى لا يحمل اعضاء الجروب فوق الطاقة ، الطلبات باهظة التكاليف تشمل على سبيل المثال وليس الحصر (طلبات العلاج بالخارج - الكراسي المتحركة الكهربائية - العناية المركزة فى المستشفيات الخاصة - الحقن المجهري - الادوية الغالية جداً - الاجهزة او الاثاث الذى يعد قبيل الكماليات او الرفاهيات)
- طلبات سداد الديون لن يتم نشرها الا لو كان هناك قضية او حكم ضد المدين مع تقديم كافة اوراق القضية قبل النشر على الجروب.
من مميزات جروب انا وابن عمي بنساعد الغريب :
- التعامل السريع وهنا يأتي دور فريق عمل جمعية رسالة فى التعامل السريع مع المنشورات الموجودة على الجروب
- المعلومات التى تصل الى فريق عمل جمعية رسالة كلها مؤمنة بدرجة كبيرة وسرية تامة.
- وضع بعض الحلول التى تخص المساعدات المالية لتجنب حالات النصب والسرقة.
ادخل على جروب انا وابن عمي بنساعد الغريب وهتلاقي خير كتير بيتعمل ، انت كمان ساعد باللي تقدر عليه ، الزيادة عندك هتلاقي غيرك محتاجه ، ساعدة بيه ،اضغط على انضم للجروب وانضم للجروب الان.